Fritida til barn og unge i eit likestillingsperspektiv
Prosjektet skal kartleggje forsking frå dei siste ti år (2008–2018) som på ulike måtar behandlar fritida til barn og unge i kombinasjon med kjønn og kjønnsstereotypar.
Døme på kjønnsstereotypar er normer, framsyningar, praksisar og strukturar knytt til kjønn. Kunnskapsoppsummeringa skal diskutere i kva grad slike storleikar gjer seg gjeldande for gutar og jenters deltaking og val innanfor fritidsfeltet.
I kunnskapsgjennomgangen vil vi arbeide med systematiske søk i bibliotekdatabasar, internett og dessutan gå gjennom litteraturlister i publiserte artiklar og rapportar. Hovudvekta av litteratursøk vil dreie seg om forsking som gjeld Noreg og andre skandinaviske land.
I forlenging av sjølve kunnskapsoppsummeringa skal NOVA ved hjelp av samarbeidspartnarar i organisasjon-Noreg samle inn og systematisere ei oversikt over tiltak som dreier seg om likestilling mellom gutar og jenter i barn og ungdoms fritidsaktivitetar.
Kunnskapsoppsummeringa skal leverast til #Ungidag-utvalet (regjeringen.no), eit offentleg utnemnt utval, som skal greie ut likestillingsutfordringar som barn og unge møter på ulike arenaer. Utvalet skal levere innstillinga si til Barne- og likestillingsdepartementet hausten 2019.
Prosjektdeltakere
Eksterne deltakere
- Idunn Seland (OsloMet)
- Helga Eggebø
- Stian Overå
Forskningsgrupper
Aktuelt frå prosjektet
- Oppvekst, skole og utdanning
Hvorfor er det nesten ingen jenter som sier de vil satse på idrett?
Forskere fra OsloMet har sett på hva 13-åringer gjør på fritiden. Idrett er mest populært, men det er nesten bare gutter som sier at de vil satse.



