Norpal-prosjekt: Noreg-Palestina: kapasitetsbygging i barnehagelærarutdanning og forsking (ECHER)
Samarbeidsprosjektet skal bidra til styrking, gjenoppbygging og langsiktig utvikling av høgare utdanning i Palestina, med fokus på barnehagelærarutdanning (ECE).
Som følgje av krig, øydeleggingar og tap av fagmiljø, står høgare utdanning i Palestina overfor alvorlege utfordringar i 2025-2026.
Dette gjeld særleg barnehagelærarutdanning (ECE), som opplever digital sårbarheit og avgrensa tilgang til forsking, nettverk og oppdatert kunnskap.
I dette prosjektet skal samarbeid bidra til styrking, gjenoppbygging og langsiktig utvikling av høgare utdanning i Palestina.
Barnehagelærarutdanningane har eit særleg behov for kapasitetsbygging innan psykososial støtte, inkluderande pedagogikk og leike- og læringsmiljø. Samtidig er styrking av forsking, digitale læringsformer og samarbeid med eksterne partnarar avgjerande.
Behova er godt dokumenterte og bekrefta gjennom palestinske myndigheiter, universitet og internasjonale rapportar.
Arbeidsgruppa i prosjektet tar sikte på å etablere eit berekraftig samarbeid mellom norske og palestinske institusjonar. Målet er å utvikle ein konkurransedyktig Erasmus+ CBHE-søknad innan 2027.
Planlagde aktivitetar inkluderer workshops, nettverksmøte, felles prosjektutvikling og søknadsskriving. Arbeidsgruppa vil også utvikle konkrete undervisningstilbod innan ECE.
Prosjektdeltakere
Eksterne deltakere
- Anders Davidsen, Universitetet i Sørøst-Norge
- Mona Nicolaysen, Universitetet i Sørøst-Norge
- Karin Hognestad, Universitetet i Sørøst-Norge
- Dag Rune Svendsen, Universitetet i Sørøst-Norge
- Sesilie Smørholm, Universitetet i Sørøst-Norge
- Marit Heldal, Dronning Mauds Minne Høgskole for barnehagelærerutdanning
- Kathrine Rønning Tvinnereim, Dronning Mauds Minne Høgskole for barnehagelærerutdanning
- Ole Johan Sando, Dronning Mauds Minne Høgskole
- Trond Løge Hagen, Dronning Mauds Minne Høgskole



