Norsk nettverk for forsking på skriving i høgare utdanning
Prosjektet har som mål å auke forskingsaktivitetar og styrke forskingskulturen innan forsking på skriving i norsk høgare utdanning.
Både studentar og tilsette på eit universitet skriv, og dei skriv mykje. Ein skriv seg inn i eit fag, ein forskar gjennom å skrive, ein skriv for å dokumentere, formidle og for å lære, for å nemne noko.
Det går føre seg forsking på både studentanes og skrivepraksisane til dei tilsette i norsk høgare utdanning, men forskarmiljøet er lite, prosjekta relativt lokale og både datamengda og tidsramma for prosjekta er nokså avgrensa.
Når skriving har ein så sentral plass i høgare utdanning, er det eit stort behov for å samle feltet for å kunne auke både omfanget og kvaliteten på forskinga.
Dette prosjektet ønsker å samle forskarar som undersøker skriving i høgare utdanning og etablere eit norsk skriveforskingsnettverk – eit robust forskarfellesskap – for kunnskaps-, erfarings- og idéutveksling. Ambisjonen er å utvikle eit forskingsprosjekt av større omfang.
Prosjektdeltakere
Eksterne deltakere
- Ingunn Ofte, NTNU
- Ingerid Solrunsdatter Straume, HVL





