Hopp til hovedinnhold
Created by potrace 1.11, written by Peter Selinger 2001-2013
EN
Søk på oslomet.no
  • Studier
  • Forskningen vår
  • Samarbeid
  • Universitetsbiblioteket
  • Om OsloMet
  • Kontakt oss
  • For studenter
  1. OsloMet
  2. ...Mellomliggende nivåer er skjult
  3. Forskningsprosjekter
  4. Offentlege bustader, stad og solidaritet. Eit komparativt prosjekt om tilhøyrsle, leigetakarmedverknad og offentleg bustadpolitikk

Offentlege bustader, stad og solidaritet. Eit komparativt prosjekt om tilhøyrsle, leigetakarmedverknad og offentleg bustadpolitikk

Dette prosjektet vil undersøkja samanhengen mellom leigetakarmedverknad og tilhøyrsle i tre ulike kontekstar og bustadregime i Malmö, Oslo og Québec.

Periode
08.08.2024 – 02.08.2029
Finansiering
OsloMet – storbyuniversitetet
Prosjekteier
  • Fakultet for samfunnsvitenskap (SAM)
  • Institutt for sosialfag (SF)
Prosjektleder
  • Håvard Aaslund

Leigetakarar i offentlege bustader har få juridiske rettar. Det kan hevdast at desse leigetakarane generelt har ei svakare kjensle av tilhøyrsle enn bustadeigarar, sidan dei er prega av kortsiktige kontraktar og lågare bustadstandard, samt opplever skam og manglande identifikasjon. Leigetakarar i offentlege bustader kan ikkje sjølve velja kvar dei skal bu, og må ofte be om løyve for sjølv svært små endringar i bustaden sitt interiør. 

Mindre enn éin prosent av norske leigetakarar er organiserte. Likevel finst det døme på at leigetakarar i offentlege bustader har organisert seg og fått innverknad.

Leigetakarmedverknad kan forståast både individuelt, kollektivt og politisk. Dette prosjektet vil undersøkja samanhengen mellom leigetakarmedverknad og tilhøyrsle i tre ulike kontekstar og bustadregime: Malmö i Sverige, Oslo i Noreg og Québec i Canada. Kvar av desse byane følgjer svært ulike modellar for offentlege bustader. 

Tidlegare forsking har sett på kvardagslege interaksjonar og deltaking blant bebuarar i nabolag (til dømes Tjora), men få studiar har hatt eit eksplisitt fokus på leigetakarar i den sosiale bustadsektoren.

Den pågåande bustadkrisa er internasjonal og rammar alle grupper som sosialarbeidarar, barnevernstilsette og andre velferdsprofesjonar møter i arbeidet sitt. Det er eit akutt behov for at profesjonelle forstår fattigdom i ein større og meir materiell samanheng, og for å byggja kunnskap som kombinerer innsikt frå studiar av bustadregime og velferdsordningar i ulike land med mikroanalyse av emosjonalitet og kroppslege erfaringar knytte til det å vera leigetakar i offentlege bustader. Prosjektet er plassert i skjeringspunktet mellom sosialt arbeid, sosialpolitikk og lokalsamfunnsorganisering.

Prosjektdeltakere

  • Håvard Aaslund

    Håvard Aaslund

    • førsteamanuensis
    • +47 672 38 435
  • Erika Gubrium

    Erika Gubrium

    • professor
    • +47 672 38 123

Eksterne deltakere

  • Martin Grander, Malmö universitet
  • Marcus Knutagård, Malmö universitet
  • Paul Morin, universitetet i Sherbrooke
Publisert: 11.05.2026Sist oppdatert: 01.06.2026

OSLO METROPOLITAN UNIVERSITY
STORBYUNIVERSITETET

Postboks 4, St. Olavs plass
0130 Oslo
Tlf.: 67 23 50 00

Kontakt oss

  • Facebook
  • LinkedIn
  • Instagram
  • English
  • Alumni
  • Ansattoversikt
  • Arrangementsoversikt
  • For ansatte
  • For studenter
  • Ledige stillinger
  • Personvernerklæring og informasjonskapslar
  • Pressekontakt
  • Tilgjengelegheitserklæring