Smerter og mentale plager: Frå ungdomstid til vaksen alder
Prosjektet vil bidra til å auka forståinga vår av dei langsiktige konsekvensane av tidleg oppstått samtidig smerte og psykiske plager.
Me skal også undersøkja om me kan nytta prediksjonsmodellar til å føreseia desse langsiktige konsekvensane.
Bruken av maskinlæring kan bidra i utviklinga av meir presise prognostiske verktøy som kan vera til nytte for pasientar, klinikarar og samfunnet samla sett.
Prosjektet vil nytta data frå fire befolkningsbaserte tverrsnittsstudiar (SHoT, Young-HUNT1, Young-HUNT3 og Young-HUNT4), kombinert med prospektivt innsamla data frå nasjonale register.
Samtidig smerte og psykiske plager hos ungdommar representerer eit forskingsområde som har fått avgrensa merksemd i tidlegare studiar, trass i utbreidd førekomst av denne doble sjukdomsbyrda og risikoen for sosial utanforskap og langsiktige negative helsemessige konsekvensar.
Prosjektdeltakere
Eksterne deltakere
- Steven Hicks
- Vajira Thamawita
- Thor Einar Holmgard, brukarrepresentant
- Helle Stangeland, Oslo universitetssjukehus
- Børge Sivertsen, Folkehelseinstituttet





