Hopp til hovedinnhold
Created by potrace 1.11, written by Peter Selinger 2001-2013
Søk på oslomet.no
  • Studier
  • Forskningen vår
  • Samarbeid
  • Universitetsbiblioteket
  • Om OsloMet
  • Kontakt oss
  • For studenter
  1. OsloMet
  2. ...Mellomliggende nivåer er skjult
  3. Studenthistorier
  4. Bli ein betre leiar ved å forstå digitale prosessar og KI

Bli ein betre leiar ved å forstå digitale prosessar og KI

Korleis kan strategiske digitale prosessar og KI bidra til å løyse utfordringar og realisere moglegheiter? Denne vidareutdanninga kan gi deg svaret.

Fagleg ansvarlig Siw Fosstenløkken står med eit bybilde bak seg.
Foto: Kamilla Brandal/OsloMet

Strategisk leiing av digitale prosessar og KI handlar om å skape verdi basert på eit styringsperspektiv av digitale prosessar. Det inneber gjennomgripande endringar i måten å organisere arbeid og forretningsmodellar på gjennom å ta i bruk kunstig intelligens.

  • Executive videreutdanning: Strategisk ledelse av digitale prosesser og KI

    • Videreutdanning
    • 1 semester
    • Nettstudium

Korleis leie gjennom digitale prosessar?

Strategiske digitale prosessar handlar om å sjå delar og heilskapar i samanheng. Å bli ein dyktig digital leiar handlar om meir enn å forstå digital teknologi og korleis han kan brukast. 

– Det handlar like mykje om korleis du bruker teknologi til å skape betre produkt og tenester for kundar, løyse konkrete utfordringar i organisasjonen eller forbetre og forenkle prosessar, forklarer professor Siw Fosstenløkken.

Fosstenløkken er professor i innovasjon, digital transformasjon og berekraft, og emneansvarleg for denne vidareutdanninga. 

KI har komme for å bli

– KI har komme for å bli, og me kan vente oss nye teknologiske bruksområde som me ikkje heilt ser konturane av i dag, seier leiar for Kompetanse og innovasjon Digital Norway, Annita Fjuk. 

Fjuk har vore med og utvikla ei digital verktøykasse som blir brukt i studiet. 

– Suksessen er ikkje basert på om ei verksemd har nok kapital til å investere i den siste teknologien, men heller om verksemda har den rette kompetansen, ferdigheitene og kulturen til å utnytte moglegheitene gjennom ny verdiskaping, seier ho.

Studiet tek utgangspunkt i jobben din

Emnet lèt deg byggje på eit endringsprosjekt frå din eigen organisasjon eller verksemd.

– Emnet vil gi deg høve til å forstå kva digitale prosessar og KI inneber og kva som må til for å lykkast med ei digital omstilling, beskriv Fosstenløkken.

Du vil lære deg å sjå moglegheiter og bruke verktøy til å leie digitale transformasjonsprosessar i eiga bedrift basert på ein handlingsplan du utarbeider i løpet av emnet.

– Emnet støttar opp under deltakarane sine eigne utviklingsprosjekt og bidrar til at prosjekta deira lykkast.

Kven passar dette studiet for?

Dette studiet passar for alle som vil vere ein del av den digitale utviklinga for å skape verdi for kundar og verksemder, private så vel som offentlege.

I emnet vil du lære sentrale omgrep, metodar og praktiske verktøy du har nytte av i leiarrolla di.

– Du vil jobbe med dei mest sentrale byggjesteinane for endring og innovasjon som inkluderer digitale forretningsmodellar, moderne strategiarbeid og tilpassingsdyktige organisasjonsformer, fortel Fosstenløkken.

Korleis er emnet bygd opp?

Emnet er digitalt og kan dermed takast når det passar deg og akkurat der du måtte vere, om det er på jobb eller heime, på hytta eller i utlandet, på dag eller kveldstid.

Undervisninga vil vere nettbasert og inkludere videoforelesingar, casediskusjonar og ulike digitale læringsaktivitetar. I løpet av emnet vil det vere fem digitale samlingar der det blir lagt opp til diskusjonar, presentasjonar og rettleiing. Det vil vere tett samarbeid med medstudentane dine som læringspartnarar for kvarandre.

Korleis er emnet relevant i jobben min?

Emnet lèt deg byggje på eit endringsprosjekt frå din eigen organisasjon eller verksemd.

– Emnet vil gi deg høve til å forstå kva digital transformasjon inneber og kva som må til for å lykkast med ei digital omstilling, beskriv Fosstenløkken.

Du vil lære deg å sjå moglegheiter og bruke verktøy til å leie digitale transformasjonsprosessar i eiga bedrift basert på ein handlingsplan du utarbeider i løpet av emnet.

Publisert: 09.11.2022Sist oppdatert: 19.11.2026
Torill Schia | Kamilla Brandal
Publisert: 09.11.2022Sist oppdatert: 19.11.2026
Torill Schia | Kamilla Brandal

OSLO METROPOLITAN UNIVERSITY
STORBYUNIVERSITETET

Postboks 4, St. Olavs plass
0130 Oslo
Tlf.: 67 23 50 00

Kontakt oss

  • Facebook
  • LinkedIn
  • Instagram
  • English
  • Alumni
  • Ansattoversikt
  • Arrangementsoversikt
  • For ansatte
  • For studenter
  • Ledige stillinger
  • Personvernerklæring og informasjonskapslar
  • Pressekontakt
  • Tilgjengelegheitserklæring

Faktaboks: Digital transformasjon og leiing

  • Vidareutdanninga er på 10 studiepoeng og er utvikla av Handelshøyskolen.
  • Evalueringar av studiet viser at studentane er svært godt fornøgde med emnet, både innhaldsmessig og i måten det er strukturert opp i læringsplattforma. 
  • Deltakarane har tileigna seg ny kunnskap om digital transformasjon og ferdigheiter dei kan bruke i verksemdene sine.